Откако во неделата остана „заглавен“, откако неговиот лет не доби дозвола за слетување во Торино, Кристијано Роналдо конечно пристигна во Италија.

Португалецот од почетокот на пандемијата периодот на изолација го помина во родната Мадеира, а сега успеа да слета во Торино каде што се наоѓа неговиот клуб Јувентус.

Се очекува наскоро еден од најдобрите играчи на светот да им се придружи на своите тимски колеги, после 14 дена карантин.

Во меѓувреме шампионот се очекува да ги започне тренинзите, а продолжението на сезоната, доколку се постигне договор меѓу сите клубови, можно е да се случи во јуни.

Натпреварите според најавите ќе се играат пред празни трибини. „Старата дама“ во Серија А од 26 мечеви се наоѓаше на првото место со 63 бодови, еден повеќе од второпласираниот Лацио.