Криси Тајген застана во одбрана на Меган Маркл по невкусните реакции на социјалните мрежи за спонтаниот абортус на Војвотката
Криси Тајген влезе во „сајбер војна“ со корисници на социјалната мрежа „Твитер“. Како одговор на еден вирален „твит“ во средата, кој невкусно ја коментираше изјавата на Маркл за „New York Times“ за нејзиниот спонтан абортус.
„Дали некој навистина ја доведува во прашање болката и огромното страдање од спонтан абортус, или можеби ја критикуваат одлуката на Меган да напише 1.000 зборови за себе?“, напишал корисникот за статијата на Маркл која беше објавена порано. „Што додава тоа на веќе достапните ресурси за оние што поминуваат низ ваква трагедија?“
Тајген потоа го„ритвитна“ ова и со нејзиниот револ предизвика вистинска експлозија од коментари на нејзиниот профил.
„Наградата за денешното апсолутно гомно му припаѓа на Марко Џинангели“, напиша таа, по што набргу потоа го избриша твитот и напиша „Извинете, заборавив дека се обидувам да бидам пофина“.
Криси и нејзиниот сопруг Џон Леџенд во септември открија дека го изгубија неродениот син Џек во двесеттата недела од бременоста. Двојката поминуваше низ сличен терор на социјалните мрежи откако објавија и отворено прозборуваа за сопствената трагична загуба.
Тие се појавија во утринското шоу „Good Morning America“ во вторникот на 24 ноември, и тоа беше нивното прво заедничко интервју по тешкиот период.
„Секој ден е толку различен. Затоа, кога луѓето ме прашуваат како ми е, секогаш велам: – Денес сум добро“, изјави Криси.
Криси Тајген отворено зборува за менталното здравје. Таа отсекогаш била искрена и немала проблем да споделува моменти од приватниот живот затоа што како што вели таа е обичен човек.
Таа прозборе и за тоа дека во последно време не е толку активна на социјалните мрежи, но неодамна со искрен твит им порача на обожавателите дека моментално доживува депресија, но и дека постепено се враќа на социјалните мрежи.
„Не твитам многу затоа што искрено се чувствувам како да сум во дупка од тага… Но не грижете се бидејќи имам многу помош околу мене за да се подобрам и наскоро ќе се справам со тоа“, напиша Тајген.