Русија претпочита политички и дипломатски средства за решавање на конфликтот во Украина, но Киев и Западот го отфрлаат овој пат, изјави денеска портпаролот на Кремљ, Дмитриј Песков, според руските новински агенции.

„Патот што го претпочитаме е преку политички и дипломатски средства“, рече Песков, според новинската агенција ТАСС.

Тој додаде, без да наведува детали, дека Москва ја продолжува својата воена операција во Украина затоа што „сите предлози за дијалог се отфрлени од Украина и западните земји“.