Ковид пеколот продолжува: Русија пријави случаи со новата заразна варијанта
Русија пријави неколку инфекции со нова варијанта на ковид-19 за која се верува дека е позаразна од делтата, објави денеска новинската агенција РИА.
Можно е варијантата „AY.4.2“ да се шири побрзо, рече научникот Камил Хафизов, цитиран од РИА.
Тоа може да предизвика ново уште побрзо ширење на инфекцијата, а Русија со денови се соочува со невидени рекорди.
Новата варијанта на крајот би можела да ја замени делтата, иако процесот може да биде бавен, рече Хафизов.
Претседателот Владимир Путин оваа недела го одобри владиниот предлог за еднонеделно отсуство да започне на 1 ноември, бидејќи бројот на смртни случаи низ Русија во изминатите 24 часа достигна нови рекорди, 1.028 смртни случаи и 34.073 новозаразени.
Под-варијантата „AY 4.2“ сочинува околу 6 проценти од примероците со секвенца, објави Агенцијата за здравствена безбедност на Обединетото Кралство минатата недела, но не е под истрага и не е означена како варијанта на загриженост.
Франсоа Балоу, директор на Институтот за генетика на UCL во Лондон, рече дека новата варијанта е се уште ретка и се чини дека не е повеќе заразна од другите.