„Ниту една правна или сметководствена служба до денес не се јави од која било установа да каже дека има проблем со пресметката на плата. Затоа што секоја служба за материјално и финасиско работење, како и правна служба добива од Министерство за финансии податоци и табели каде што јасно е наведено како пресметува платата. Затоа апсолутно не наидоа на никакви потешкотии, ниту еден колективен договор не е променет. Променета е само минималната плата. Би сакала да не се шират дезинформации, некакви теории на заговор, дека Министерството за култура сака нешто да скрие. Напротив, секогаш сме работеле одговорно и транспарентно, во служба пред се на културните работници“, изјави министерката за култура Бисера Костадиновска-Стојчевска на прес-конференција.

Таа додаде дека послениот пат кога се доби 10 проценти покачување било во септември 2023 година, а во текот на цела 2023 година вкупно имало 21 проценти покачување на нивните плати. Во член 14 став 1 од општиот Колективен договор.

„Фер е да кажеме дека во изминатите 4 години од 2020 година, до септември 2023 година кога беше последното покачување, покачувањето на платата на културните работници, почитувајќи го Колективниот договор склучен во 2019 година на 30 декември, и општиот колективен договор, изнесува 40 посто. Со ова последно покачување во март, покачувањето е 52 посто на нивните плати“, посочи Костадиновска-Стојчевска.

Таа заклучи дека во секој момент секој може да провери дека платите се изработуваат, дека имаат право правните и сметководствените служби во секоја установа да се консултираат едни со други, и со Министерството за финансии како да ги изработат платите и тоа не е нов процес.