Патот кон ФИБА Евробаскет 2029 продолжува со ждрепката за втората рунда од претквалификациите, која ќе се одржи денеска со почеток од 12.45 часот во Минхен, Германија.

Во оваа фаза ќе бидат распоредени 12 репрезентации, меѓу кои и Македонија, која обезбеди пласман како победник во својата група од првата рунда.

Заедно со нашиот национален тим во ждрепката ќе се најдат уште Бугарија, Словачка, Норвешка, Австрија, Белгија, Кипар, Чешка, Данска, Велика Британија, Романија и Швајцарија.

Селекциите ќе бидат поделени во четири групи со по три репрезентации, а најдобропласираните во секоја група ќе обезбедат место во квалификациите за Евробаскет 2029.

Натпреварите од втората рунда ќе се играат во три ФИБА прозорци:

27–30 август 2026

26–29 ноември 2026

25–28 февруари 2027