Конференциска лига: Партизан ја доби Спарта Прага, ПСВ против Макаби Тел Авив
Денеска во Нион (Швајцарија) се одржа жрепката за плеј-оф паровите од нокаут-фазата во Конференциската лига, во натпревари помеѓу второпласираните од групната фаза на Конференциската лига и третопласираните од групите на Лига Европа.
Пред жрепката во групата на носители беа Макаби Тел Авив, Партизан, Бодо/Глимт, Рандерс, Славија Прага, ПАОК, Карабах и Витесе или Тотенхем. За случајот со Витесе/Тотенхем ќе одлучи дисциплинското тело на УЕФА.
А во групата на неносители беа Спарта Прага, ПСВ, Лестер, Фенербахче, Марсеј, Митјиланд, Селтик и Рапид Виена.
Тотенхем или Витесе ќе ги одмери силите со австрискиот претстабвник Рапид Виена, а белградски Партизан за ривал ја доби чешката Спарта Прага. Турскиот Фенербахче ќе се соочи со Славија Прага, а Лестер сити за противник го има данскиот Рандерс.
Првите натпревари ќе се одиграат на 17 февруари, а реванш средбите на 24 феврури 2022 година.
Конференциска лига (2021/2022)
Плеј-оф, двојки –
Марсеј – Карабах
ПСВ – Макаби Тел Авив
Фенербахче – Славија Прага
Митјиланд – ПАОК
Лестер – Рандерс
Селтик – Бодо/Глимт
Спарта Прага – Партизан
Рапид Виена – Тотенхем/Витесе
Победниците од овие мечеви ќе им се придружат на победниците од групната фаза во Конференциската лига во осминафиналето, а тие се ЛАСК, Гент, Рома, АЗ Алкмаар, Феенорд, ФК Копенхаген, Рен и Базел.
Финалето во ова ново натпреварување под капата на УЕФА ќе се одржи во Тирана (Албанија) на 25 мај 2022 година.
ЛШ: Меси против Роналдо, ПСЖ во осминафиналето ќе игра со Манчестер јунајтед
ВИДЕО: Скандал во Нион, ќе се повтори жрепката за Лигата на шампионите!