Соништата се движечката сила на секој човек, но не се сите еднакво подготвени да веруваат во нивното остварување. Токму таа разлика меѓу вербата и сомнежот често го одредува нашиот пат.

За тоа зборува цитатот на големиот ирски писател Џорџ Бернард Шо, кој на духовит начин ја воочува битната разлика.

„Соништата им се остваруваат само на оптимистите. Песимистите имаат кошмари“, сметал Џорџ Бернард Шо.

Овој цитат нè потсетува дека начинот на кој гледаме на светот директно влијае на она што ни се случува. Оптимистите веруваат во можностите, гледаат прилики и имаат храброст да работат на своите соништа, додека песимистите често остануваат заробени во страв, сомнеж и негативни очекувања. Со други зборови, не е работата само во соништата што ги имаме, туку во ставот што го имаме кон животот.

Џорџ Бернард Шо бил ирски драмски писател, романсиер, есеист, новинар, како и општествено ангажиран интелектуалец. Бил човек со силна природа, неуморен работник и смел дух. Тој е добитник на Нобеловата награда за литература во 1925 година, а познат е по своите бунтовнички и идеалистички погледи на животот. По тој повод духовито изјавил дека наградата веројатно ја добил „во знак на благодарност што таа година не објавил ништо“, а го одбил и паричниот дел од наградата.

Бил познат по својот остар хумор и по тоа што бил вегетаријанец. Починал на 94-годишна возраст, оставајќи зад себе мудрости кои и денес инспирираат многумина да не се откажуваат од своите цели.