Во четири основни судови во државата, во Берово, Крушево, Кратово и Куманово не се почитувале законските одредби за исклучување и вклучување како и изземање на судии од АКМИС, имало недоволен број на судии во помалите судови со основна надлежност, како и недоволен број на информатичари во судовите. Ова се само дел од низата пропусти на Судскиот совет што Комисијата за надзор на функционалноста на АКМИС во судовите ги констатираше по извршениот надзор во првите шест месеци од годинава.

Констатирано е дека не се распишуваат огласи за вработување и унапредување и покрај добиена согласност од страна на поранешни претседатели, неконтинуирано се архивираат предмети, а нема ниту соодветен архивски простор и предметите се чуваат во подруми. Не функционира тонското снимање, соопштија од Министерството за правда.

Тие додаваат дека во наредниот период на веб-страницата на Министерството за правда ќе бидат објавени сите записници од извршените надзори во судовите