Ние и вчера и денес имавме состанок со Комисјата за заразни болести, донесовме план за намалување на мерките кои ќе се одвиваат во неколку фази, изјави министерот за здравство Венко Филипче на денешната пресконференција.

– Три од критериумите се клучни, епидемијата дали е под контрола, здравствениот систем дали може да се справи со повторно појавување на случаи и дали системот на надзор може да ги открие случаите и нивните контакти и да идентификува појава на нови случаи. Основната индикација е репродуктивниот број кој треба да е помал од 1 а кај нас е 0, 6 и 0, 9 што значи дека еден пациент заразува друг пациент во просек.  Вториот е здравствениот систем да се справи со ова. И третиот последен параметар е откривањето на случаите и поврзување со претходно дијагностицирани пациенти. Над 80 отсто имаат епидемиолошка поврзаност, сите овие критериуми се исполнети, состојата во земјата е оценета како стабилна – изјави Филипче.

– Затоа комисијата ќе достави предлог за олабавување на рестриктивните мерки и тој предлог план предивидува отворање на центрите за обукација, семинари, организација на седници на органи за управување, автошколи, спортски трениниз на отворено, тенис, спортски и други обложувалници преку шалтер и затворени трговски центри без угостителска дејност и центри за рехабилитација – додаде тој.

Министерот најави и дека следната недела ќе се отворат угостителските објекти и ќе се започне со спортски тренинзи за колективните спортови.

– Следната недела во предвид е отворање на угостителски објекти, спортски тренинзи за колективни спортови и повторно после епидемиолошката анализа неделата после тоа, игрите на среќа, спортови во затворени објекти и хотелски објекти. Ова е планот кој го поднесуваме во Владата и го враќаме животот во нормала. Со одредени протоколи за функционирање и почитуваање на мерки за заштита, социјална дистанца и носење маска и дезинфекција на рацете – заврши Филипче.