Коментар на Лавров на реакциите за апсењето на Навални: Целта на изјавите од Запад е пренасочување на вниманието од сопствената криза
Целта на изјавите од Запад за притворањето на блогерот Алексеј Навални е да пренасочи внимание во која се наоѓа либералниот модел на развој, изјави шефот на руската дипломатија Сергеј Лавров на годишната конференција за новинари.
ВИДЕО: Навални експресно уапсен на аеродромот во Москва, му се заканува затвор од 10 години
– Гледаме како се фатија за вчерашната вест за враќањето на Навални во Русија. Јасно се чувствува со каква радост стигнуваат коментарите, како прекопирани се. Со радост, бидејќи тоа им овозможува на западните политичари да мислат дека на тој начин можат да пренасочат внимание од најдлабоката криза во која се најде либералниот модел на развој, истакна рускиот министер за надворешни работи.
ВИДЕО I Апсења на московскиот аеродром „Внуково“: Приведени повеќемина приврзаници на Навални
Лавров е убеден дека „не треба да се бараат надворешни причини за правдање на сопствените одлуки и пренасочување на вниманието од сопствените приблеми и кризи, туку напротив треба да се игра искрено и да се бара можност за решавање на сопствените внатрешни проблеми во искрена и рамноправна меѓународна соработка“.
– Сега никој не може сам да се носи со своите проблеми без вклучување на меѓународни мултилатерални формати, нагласи тој.
Навални, по кого беше распишана потерница, вчеравечер се врати во Русија од Германија и веднаш беше притворен на аеродромот „Шереметјево“ во Москва. За судбината на Навални ќе ја одреди судот, а дотогаш тој ќе остане во притвор.
ВИДЕО | Андоновиќ: Активирана условна казна и црвен картон за опозиционерот Навални
На ослободување на Навални повикаа американскиот Стејт департмент, претседателот на Европскиот совет, Шарл Мишел и лидери и министри за надворешни работи на бројни европски држави.
Претседателот на Европскиот совет, Шарл Мишел лут на Кремљ: Веднаш да го ослободите Навални
Советник за национална безбедност на Бајден: Навални мора веднаш да биде ослободен