ВИДЕО: Навални експресно уапсен на аеродромот во Москва, му се заканува затвор од 10 години
Рускиот опозиционер Алексеј Навални откако слета на московскиот аеродром Шереметјево, задржан е во притвор.
Навални и покрај предупредувањето дека ќе биде затворен, тој денеска полета од Берлин, каде каде му беше укажана лекарска помош откако во август минатата година беше отруен со нервен агенс „Новичок”.
Задержание Алексея pic.twitter.com/q3mq4VZgBG
— Кира Ярмыш (@Kira_Yarmysh) January 17, 2021
Претходно, официјална Москва го предупреди Навални дека ако до 30 декември не се врати во Русија, ќе биде уапсен бидејќи не ги испочитувал обврските за условните казни.
Russian opposition leader Alexey Navalny was arrested in the airport after returning to Moscow, five months after being poisoned with the nerve agent Novichok, despite being warned that he faces arrest upon his return. pic.twitter.com/jAWLOtU5OY
— Breaking911 (@Breaking911) January 17, 2021
Навални има две условни казни по пет години за случаите „Кировлеса” и за „Ив Роше”. Во првиот случај е обвинет за проневера од над 16 милиони рубљи (околу 180.206 евра), а за вториот за проневерени повеќе од 30 милиони рубљи (околу 337.886).
Според снимките кои ги објавија агенциите, Навални е задржан во притвор кога го покажа пасошот на руската полиција при контрола пред формалното влегување во Русија. На неговата сопруга Јулија, на неговиот портпарол и на адвокатот овозможено им е да влезат во Русија. Навални тогаш ја бакна сопругата и исчезна со полицајците.
Кадры задержания уклонявшегося от надзора условно осуждённого блогера pic.twitter.com/zA52RYJcln
— Известия (@izvestia_ru) January 17, 2021
Авионот со кој патуваше Навални наместо на Внуково слета на аеродромот Шереметјево.
Првично пилотот најавил доцнење од 30 минути поради „технички проблеми”, а потоа ги известил патниците оти авионот е пренасочен и оти ќе слета на московскиот аеродром Шереметјево.
Претходно, полицијата уапси околу 10 приврзаници на опозиционерот Алексеј Навални, кои го чекаат на аеродромот Внуково. Меѓу уапсените е и опозициската политичарка Љубов Собољ.
ВИДЕО I Апсења на московскиот аеродром „Внуково“: Приведени повеќемина приврзаници на Навални