Американската медиумска и финансиска компанија Блумберг објави листа на најбогатите семејства во светот.

Петте најбогати семејства во светот се Волтон (САД), Ал Нахјан (ОАЕ), Ал Тани (Катар), Хермес (Франција) и Кох (САД). Семејството Волтон го основа „Волмарт“, најголемиот малопродажен ланец во светот. Неговото богатство се проценува на над 400 милијарди долари. Семејството Ал Нахјан владее во Абу Даби, најбогатиот емират во ОАЕ. Тие контролираат државни ресурси и клучни индустрии, а нафтата е главен извор на нивното богатство, кое изнесува повеќе од 300 милијарди долари. Семејството Ал Тани е владејачка династија во Катар. Нивното богатство се проценува на повеќе од 170 милијарди долари.

Семејството Хермес го стекнало своето богатство преку луксузната модна индустрија. Вредноста на нивниот имот е околу 170 милијарди долари. Семејството Кох го стекнало своето богатство во хемиската и енергетската индустрија, а нивното богатство е приближно 150 милијарди долари- објави Бизнистелеграф.