Зад секој голем и успешен човек стои љубовта и поддршката на најблиските. Нивните зборови се мелем за душата, сила во тешките денови и радост во миговите на најголемите успеси. Токму таква беше и пораката на Сашенка Тодоровска, ќерката на легендарниот актер Гоце Тодоровски, која со многу емоции се обрати на нејзиниот татко по повод високото признание — државна награда „23 Октомври“.

Во момент исполнет со гордост и благодарност, Сашенка му се обрати на својот татко со зборовите:

„Моја гордост … М’Ал Пачино, а толку голем. Да си ми само здрав, одиме понатаму да чекориме заедно како и досега … Душава и срцево мое урлаат од среќа. Признат достоинствено за половина век посветен на македонскиот народ! Секоја чест!“

Со овие зборови, таа ја изрази не само гордоста, туку и длабоката љубов и почит кон човекот кој целиот свој живот го посвети на сцената, на публиката и на македонската култура.

Имено, државната награда „23 Октомври“ претставува највисоко признание кое се доделува на поединци со извонреден придонес во областа на науката, културата, образованието, како и во заштитата на државните интереси и промоцијата на македонските вредности и културно-историското наследство.

Овогодишни добитници на оваа престижна награда се Гоце Тодоровски, писателот за деца и возрасни Александар Кујунџиски, поетот, романсиер, драмски писател и новинар Братислав Ташковски и писателот, академик Божин Павловски.

Свеченото врачување на наградите ќе се одржи на 23 октомври, во 12 часот, во Собранието на Република Северна Македонија.