Холивудската актерка Кира Најтли (35) во подкастот „Chanel Connects” говореше за односите на филсмкиот сет и идните соработи за филмовите.

Имено, таа во духот на движењето „MeToo“, кое е многу актуелно во светот изјави дека не сака повеќе да се соблекува пред машките режисери.

„Пред машки режисери на сетот и за потребите на филмовите повеќе никогаш нема да се соблечам и да снимам секс сцени. Не се чувствувам веќе пријатно во тоа опкружување“, изјави актерката која е омажена за музичарот Џејмс Рајтон (37).

Таа вели дека веќе подолго време чувствува дека тоа е правилен потег. Актерката додаде дека сексуалноста на филмот е многу важна, но таа повеќе не сака да снима класични, тврдоглави секс сцени кои се непријатни за актерите, а режисерите уживаат во нив.

„Тоа е и дел од мојата суета. Родив две деца и навистина немам потреба да ме гледаат гола сите тие машки погледи“, додаде таа.

„За потребите не некој филм и уметноста можеби би го направила тоа, но тој филм би морало да го режира жена, денес не сум повеќе сигурна кој е натрапник, а кој не“, заклучи актерката и додаде дека движењето „MeToo“ е многу важно за сите жени.