Кира Најтли: Не познавам жена што не била жртва на сексуално вознемирување
Актерката Кира Најтли изјави дека секоја жена што ја знае била жртва на некаква форма на сексуално насилство, независно дали станува збор за сексуално вознемирување, покажување на гениталиите или физички напад…
Во интервју за „Harper’s Bazaar“, 36-годишната актерка ја нарече ситуацијата „е*ено депресивна“.
„Буквално, не знам некој што не бил нападнат, на било кој начин, дали е тоа сексуално вознемирување, покажување на гениталиите или некој тип што ти се заканува дека ќе ти го исече вратот или ќе ти удри бокс, што и да е, сите биле жртви“, рече Најтли.
Ѕвездата позната по нејзините улоги во „Пирати од Карибите“ и „Гордост и Предрасуди“, објасни дека по убиството на Сара Еверард во Март, кога жените почнале да зборуваат за сите видови на претпазливо однесување што ги преземаат, како држење клучеви во рака, неносење слушалки ноќе, преправање дека зборуваат на телефон, откри дека и таа го прави истото.
„Кога почнаа жените да прават листи од видовите на претпазливо однесување што го преземаат кога пешачат кон дома ноќе за да се осигураат дека се безбедни, си помислив, ги правам сите овие нешта, а не ни помислувам“, соопшти актерката.
Анкета од „UN Women UK“, покажа дека повеќе од 70% од анкетираните жени имаат искусено сексуално вознемирување во јавен простор. Според новата анкета објавена во март 2021, бројките пораснале на 97% помеѓу жените на 18-24 возраст, пренесува „CNN“.
Актерката рече дека ја цени Баронката Џени Џоунс, „life peer“ во Куќата на лордови, која предложи полициски час кој би започнувам од 18 часот и би важел само за мажите.
„Мажите беа многу бесни од предлогот, тогаш си помислив – но, има и отсекогаш имало полициски час за жените“, објасни актерката.
Името, таа зборуваше за ситуација во која била вознемирувана од „самотник странец“ кој извикал „Дали одиш во ова училиште? Изгледаш многу млада“ и ја следел неа и новинарката Лидија Слејтер.