Кинеските пензионери протестираат против намалувањето на медицинските бенефиции
Стотици пензионери излегоа денеска на улиците на кинеските градови Вухан и Далиан за да протестираат против кратењето на медицинските бенефиции, јавува Ројтерс, цитирајќи објави на социјалните мрежи.
Во Вухан, централна Кина, видеата објавени на социјалните мрежи покажаа стотици главно постари луѓе надвор од централниот парк Жонгшан во градот.
Едно видео од Вухан, кое Ројтерс го потврди, покажува демонстранти како се тепаат со униформирани чувари. Британската агенција не беше во можност да ги потврди снимките од Далијан и некои други од Вухан, кои беа широко споделени на социјалните мрежи.
Пензионерите протестираа против локалните реформи, вклучително и неодамнешното намалување на месечниот медицински додаток за пензионерите од 260 јуани (38 долари) месечно на 83 јуани (12 долари), според жителите на Вухан.
Некои пееја песни, меѓу кои и Интернационал, кој е популарен на протестите во Кина, додека други протестот го снимија со своите телефони, пренесува Танјуг.