Возач од Кичево кој не смеел да управува возило прегазил 10-годишно дете на булеварот „Ослободување“, а инцидентот се случил вчера во вечерните часови, околу 20:40 часот, кога случајот бил и официјално пријавен.

Возачот, идентификуван како А.Б. управувал патничко моторно возило „oпел вектра“ со кичевски регистарски ознаки, кога удрил во малолетно момче.

Како што информира МВР, при извршените проверки било утврдено дека А.Б. воопшто не смеел да биде зад воланот, затоа што за него била на сила активна заштитна мерка – забрана за управување со моторно возило од Б-категорија.

Веднаш по несреќата, полицијата го лишила од слобода несовесниот возач, а по насоки на надлежен јавен обвинител, возилото со кое била предизвикана несреќата му било одземено.