14 C
Скопје

Ќе има ли поголем К-15 годинава?

Износот на регресот за годишен одмор, популарно наречен К-15, ќе се признае како расход што ја намалува даночната основица на компаниите, а причина за тоа, како што соопштуваат од Владата, е да ги стимулираат работодавачите да даваат поголем износ.

„Владата на Република Северна Македонија го утврди текстот на Предлог-законот за изменување на Законот за данокот на добивка со кој се одредуваат непризнаените расходи, со што се создава можност за зголемување на износот на регрес за годишен одмор што ќе се третира како признаен расход за даночни цели, како мерка од Петтиот пакет економски пакет за ревитализирање на економијата во услови на Ковид-19“, соопштија од Владата.

Регресот за годишен одмор е задолжителен за целото стопанство, согласно со Општиот колективен договор. Тамошните одредби имаат сила на закон и износот на К-15 може да биде најмалку 40 отсто од износот на просекот на трите последни нето-просечни плати во државата, но горната граница не е утврдена, така што компаниите произволно може да дадат и многу поголем К-15.

Прочитајте и...  Борисов го претстави предлогот за нова бугарска Влада

Сегашната одлука на Владата, пак, е само оставен финансиски простор на работодавачите да го зголемат минимумот за исплатениот К-15, што значи нивна добра волја. Реално, за да се плаќа поголем износ, би требало да има промени во Општиот колективен договор. Од друга страна, и досега многу работодавачи плаќаа под лимитот од 40 отсто од просечната плата искористувајќи една непрецизност во Општиот колективен договор. Според Договорот, работодавачите кај кои настанале тешкотии во работењето, може да исплатат и помал износ на К-15. Притоа, во Колективниот договор не е наведено дури ни дека фирмите треба да бидат во загуба, туку само има општа формулација дека треба да имаат финансиски тешкотии. Но, за да исплатат помал К-15, треба да има потпис од претставникот на синдикатот, а ако го нема во фирмата, тогаш со претставник избран од вработените. Но, во практика, како што велат од Сојузот на синдикатите, доаѓаше до притисоци и манипулации и често до потпишување вакви договори. Од друга страна, Сојузот на синдикати никако не успева да седне на маса со работодавачите и да направи измени во Колективниот договор што е склучен од страна на претходното раководство.

Прочитајте и...  Репортери без граници: Високи владини претставници продолжуваат да им се закануваат на новинари и да навредуваат медиуми

И лабораториските тестови – признат расход

Според Предлог-законот за изменување на Законот за данокот на добивка, и лабораториските тестови за ковод-19 ќе бидат признат расход, со кој ќе се намали основицата за пресметување на данок на компанијата.

„Во насока на олеснување на работата на компаниите во услови на ковид-19, со предложените измени и дополнувања се предлага како признаен расход да се признаваат и платените лабораториски тестови за ковид-19 што ги прават компаниите за своите вработени“, соопшти Владата.

Поврзани вести

Исчезната е 70-годишна жена од Скопје, семејството бара помош

Слободен печат

ЕМА: Случаите на тромбоза по вакцинација ќе се следат повнимателно

Слободен печат

Украина тврди дека Русија наскоро ќе има повеќе од 120.000 војници на границата

Слободен печат

Аквадуктот во Скопје доби највисок степен на заштита на културно наследство

Слободен печат

Царовска: Родителот кој смета дека неговото дете нема да може да учи електронски ќе може да си го испечати учебникот

Слободен печат

Спасовски: Со координирана акција и активна меѓународна соработка до справување со глобалните безбедносни ризици

Слободен печат

Остави Коментар