Касами само со албански обележја промовираше улица во Тетово изградена со европски пари
Градоначалникот на Општина Тетово, Биљал Касами ја пушти во употреба реновираната улица „Радован Цониќ“, во градот позната како „Улица на бутиците“.
Препорачано
Дел од церемонијата беше сечење на црвена лента од страна на Касами, кој беше придружуван од деца во албански народни носии, а на улицата имаше само знамиња на Албанија, без ниту едно државно знаме. Касами одговори на новинарското прашање зошто нема македонско знаме и македонски носии.
– Добра забелешка, во друг случај, во друга ситуација ќе го имаме, рече Биљал Касами.
Улицата „Радован Цониќ“ се протега во тетовската Горна Чаршија, од зад Основниот суд до Музејот на тетовски крај (Меморијален музеј на народниот херој Ѓоце Стојчевски-Амбарче). Таа ќе биде биде пешачка зона, а тоа наиде на негативни коментари кај граѓаните, кои велат дека потегот дополнително ќе го задуши и онака блокираниот сообраќај во поширокиот центар на Тетово.Ѓ
Реконструкцијата на улицата беше изведена со пари од европски фондови за прекугранична соработка меѓу Македонија и Косово, поконкретно меѓу Тетово и Призрен.
