Претседателот на Беса, Биљал Касами, вечерв во гостувањето на ТВ21 рече дека непојавувањето на ДУИ на состанокот организиран во Беса е „избегнување одговорност“ од страна на владејачката партија.

Касами рече дека во тие точки за кои ќе се разговара имало и една многу важна точка како што е албанскиот јазик, што ДУИ намерно го избегнала.

„ДУИ не беше подготвена да се повика, бидејќи имаше некои важни точки. Една од тие точки е поврзана со албанскиот јазик, каде што оваа точка вели дека албанскиот јазик мора да биде еднаков со македонскиот јазик“, рече Касами.