Карди Би и Офсет добиле тужба за неплатени сметки и демолирање на викендица
Раперката Карди Би и нејзиниот сопруг Офсет добиле тужба затоа што не ги платиле сметките и ја демолирале викендицата во Беверли Хилс, Калифорнија, пишува „Пејџ сикс“.
Сопственикот на куќата во тужбата тврдел дека ѕвездите почнале да живеат во куќата на почетокот на 2022 година, но потоа го напуштиле имотот во октомври без никакво известување, според документите до кои дојде „ТМЗ“.
Сопственикот наводно во тужбата тврдел дека не ја платиле киријата и комуналиите кога ненадејно го напуштиле имотот.
Во тужбата, сопственикот тврди дека има значителна штета на имотот откако сопружниците си заминале, вклучително и скршен мебел, траги од изгореници на масите и шалтерите, дупки во ѕидовите и гребнатини на теписите, завесите и подот од плочки.
Сопственикот тврди дека според документите вкупните трошоци за отштета се проценуваат на околу 85.000 американски долари.
Карди Би и Офсет неодамна објавија дека се разведуваат.