Поранешниот најдобар светски фудбалер смета дека Наполи во чии редови настапува македонскиот репрезентативец Елиф Елмас има навистина убава можност повторно после многу години да ја освои Серија А.

Не се појавува премногу пред фудбалската јавнос, но секој збор на Фабио Канаваро секогаш привлекува големо внимание.

Екс освојувачот на „Златната топка“ и светски шампион со Италија во 2006 година, истакнува дека клубот во кој изразна има добри шанси оваа сезона да го освои Скудетото.

– Наполи игра навистина добро, може да ја освои титулата, но мора да внимава на миланските ривали.

Тимот на Спалети делува како „ѕид“ кој тешко може да се пробие, додека во нападот го има Осимхен, кој умее како да го загрози противникот во неговиот шеснаесетник – вели Канаваро.

После седум кола во најсилниот италијански шампионат Наполи има максимални 21 бод, два повеќе од второпласираниот Милан, а на третата позиција е Интер со 17. За пет дена „наполитанците“ ќе го имаат новиот лигашки меч, на домашен терен против Торино.