Часовникот се поместува напред в недела, 31 март – стрелката се поместува од 2 часот наутро на 3 часот наутро.

Часовникот се движи двапати годишно – во пролет и во есен.

Иако промената на часовникот е осмислена да ни овозможи да уживаме во пролетното сонце и сите негови придобивки, промената значи и губење на еден час сон, пишува британски „Метро“.

Важно е дека промената во рутината може да го наруши нашиот редовен ритам. Уште повеќе, мелатонин – кој ни помага да спиеме – се создава во темница и го потиснува светлината, што значи дека дополнителен час сонце може да влијае на нашиот распоред на спиење неколку дена.

– Колку повеќе дневна светлина добиваме, толку повеќе уживаме во серотонинот, така што подолгите денови можат да дадат вистински поттик за нашето ментално здравје. Но, менувањето на часовникот и понатаму значи прилагодување. Ние сме ранливи на недостигот на сонот, па дури и нешто помалку од еден час може да ни го наруши организмот. На некои луѓе им требаат четири дена да се опорават – објаснува психологот Дарен Стентон.

Како да се подготвите?

Дарен ги споделила своите клучни совети кои ќе ви помогнат во транзицијата, вклучувајќи едноставни промени што можете да ги направите во вашата секојдневна рутина и дом, и како да избегнете промената лошо да ви влијае.

Поставете го алармот постепено

Дарен вели дека треба да почнете да го поставувате алармот 15 минути порано секое утро околу една недела претходно.

Најдете начин да се опуштите

Погодувате: стресот од недоволно спиење и чувството на исцрпеност само ќе ве истроши уште повеќе. Всушност, тоа може да го зголеми недостигот на сонот.

Дарен предлага да се обидете да најдете начини да се опуштите, вклучително и слушање „смирувачка музика“, експериментирање со „бел шум“ или релаксирање со „некои техники на медитација“. Клучот е да го пронајдете она што вам ви одговара.

Инвестирајте во ролетни

Премногу светлина може да влијае на вашата способност за спиење, така што затемнувањето на просториите може да биде фантастична инвестиција.

Ограничете го времето поминато пред екранот и кофеинот

Промената на часовникот значи дека може да одите во кревет пред вашето тело да се чувствува подготвено.

За да му помогнете на вашиот мозок да се чувствува помалку активен, добра идеја е да ги ограничите работите што го стимулираат.

– За да бидете сигурни дека полесно заспивате, избегнувајте работи како што се кофеинот и времето пред екранот пред спиење, бидејќи тие можат премногу да ве стимулираат и да го отежнат смирувањето – советува Дарен.