Јувентус ќе атакува на титулата во Лигата на шампионите со Роналдо, Дибала, Мората..!
„Старата дама“ официјално ги објави имињата на играчите на кои ќе смета во новата сезона од Лигата на шампионите (2020/21).
На списокот на Јувентус се наоѓа и новиот напаѓач кој дојде од редовите на Фиорентина, Федерико Киеза.
Потсетување дека италијанскиот шампион се наоѓа во групата „Г“ заедно со Барселона, Динамо Киев и Ференцварош. Првиот меч ќе го има на 20 октомври во Украина против Динамо Киев.
Во составот не се наоѓа искусниот играч за врска, Сами Кедира, на кој не смета повеќе тренерот Андреа Пирло, а исто така Германецот одбива да потпише раскин на соработката.
Тимот на Јувентус за Лигата на шампионите (2020/21) –
Голмани: Шчесни, Буфон, Пинсољо
Одбрана: Кјелини, Де Лихт, Алекс Сандро, Данило, Бонучи, Демирал, Фработа, Квадрадо
Среден ред: Артур, Ремзи, МекКени, Рабио, Бентанкур, Бернардески, Кулушевски, Портанова
Напад: Киеза, Дибала, Мората, Роналдо
