Македонскиот репрезентативец Јован Стојоски ќе биде нашиот единствен претставник на Светското првенство во атлетика во сала, кое ќе се одржи од 20 до 22 март во Торун, Кујавско-Поморско Војводство, Полска.

Стојоски ќе настапи во дисциплината 400 метри во која оваа сезона оствари одлични резултати во сала, потврдувајќи ја својата добра форма и подготвеност за настап на најголемата светска сцена.

Неговиот настап е закажан за в петок, 20 март, со почеток од 12.30 часот, во рамките од последната шеста квалификациска група.

Покрај Стојоски, во групата се Елиа Ларегина од Аргентина, Емерсон Насименто од Бразил, Кејлеб Мекри од САД и Келвис Падрино од Венецуела.