Членката на Судскиот Совет, Сузана Јошевска Анастасовска, во емисијата „360 степени“ потврди дека одобрените 200 нови вработувања во судството не се реализираат и оцени дека тоа го блокира работењето на судовите.

Според неофицијални информации, додаде таа, вработувањата не се реализираат бидејќи се чека ребаланс на Буџетот, а во меѓувреме нема никаква соработка меѓу Министерството за финансии и Судскиот совет.

„Од Министерството за финансии одбиваат соработка со Судскиот совет во смисла – нема никаква соработка, никакви состаноци. И од страна на министерката за финансии нема соодветна комуникација, иако, да, начелно 200 се одобрени, правени се плановите, Судско-буџетскиот совет ги направи по судови вработувањата“, вели Јошевска Анастасовска.

Таа додаде дека поминуваат месеците, тоа влијае на ажурноста на постапките, а крајно – на незадоволството на граѓаните.

Уставен не пресече за платите на судиите, но под сомнеж се февруарските измени на кои реагираше правосудството