Во воведниот натпревар од НБА Купот, кошаркарите на Денвер Нагетс беа поразени како гости од Портланд со резултат 109-107. Ова беше втор пораз за Нагетс во групната фаза, откако започнаа со три победи и два порази.

Денвер доминираше во текот на поголемиот дел од натпреварот, но Портланд во финишот ја искористи својата дефанзивна сила и направи голема серија, која ја анулираше разликата од пет поени во последната минута. Дени Авдија погоди клучен шут и го донесе Портланд на само два поени разлика, а потоа Џереми Грант со прецизни слободни фрлања ја заврши работата за домашната победа.

Српскиот репрезентативец Никола Јокиќ, кој беше близу до „трипл-дабл“, постигна 21 поен, 14 скока и 9 асистенции, со неверојатни 70% шут од поле и 66,7% успешност за три поени. Но, неговиот одличен индивидуален учинок не беше доволен да го спречи поразот на тимот од Денвер.

Во победничкиот тим, Дени Авдија беше најефикасен со 23 поени, 4 скока и 4 асистенции, додека Џамал Мареј за Нагетс додаде 22 поени и 6 скока.

Преземено од: Sport.com.mk