Јанкуловски: Клучен акцент ни се образованието, земјоделието и борбата против корупцијата (ВИДЕО)
Во коалиција со ВМРО-ДПМНЕ сме повеќе години. Имаме заеднички ставови околу голем број на прашања. Клучен акцент ни се образованието и земјоделието, изјави во „Утрински брифинг“ на „Слободна ТВ“ Живко Јанкуловски претседател на ПОДЕМ.
Промени и вложување во науката и образованието.
-Нашите проекти во голема мера се совпаѓаат со проектите на ВМРО-ДПМНЕ. СО нашиот квалитетен кадар сметам дека можеме да дадеме голем допринос за иднината на Македонија.
Образованието е стожер на една нација. Периодов тоа паѓаше се подолу и подолу. Бидејќи сум професор на факултет сметам дека ова прашање треба системски да се решава. Гледаме еден неквалитет уште во основното образование. Треба да се одржуваат квалитетните факултети и поголем процент во буџетот треба да се издвојува во науката и образованието, рече Јанкуловски.
Околу договорите за добрососедство, Јнакуловски смета дека Преспанскиот договор и Договорот со Бугарија се штетни.
-Македонија тешко дека ќе може да ги оствари своите соништа за влез во Унијата. Јас би бил среќен доколку немаме проблем со соседите, вели Јанкуловски.