Ја чека долга пауза: Оперирана поранешната вардарка Андреа Лекиќ
Најдобрата ракометарка на Србија, Андреа Лекиќ утринава беше оперирана, еден ден откако доживеа тешка повреда на ахиловата тетива на првиот натпревар од Европското првенство против Холандија.
Лекиќ е оперирана во клиниката на познатиот доктор Уфе, по што поранешната ракометарка на Вардар, а сега на Будуќност ја очекува долга долга пауза (6-9 месеци) и сезоната за неа уште сега заврши.
„Големо брагодарам за поддршката, убавите желби и мотивација која ми ја пружате. Операцијата беше успешно завршена благодарение на доктор Уфе. Се гледаме наредната сезона“, напиша Лекиќ.
Повредата на Ахиловата тетива се смета за една од најтешките во спортот и паузата знае да изнесува и година и половина доколку дојде до некакви компликации за време на рехабилитацијата.
Нејзините колешки од репрезентацијата денеска доживеаја убедлив пораз од 38:26 од Унгарија.