Израелската амбасадорка во земјава, Вивијан Аисен, ги пофали постапките на македонските институции во врска со обидот за предизвикување пожар на зградата на Еврејската заедница и синагогата во Скопје, оценувајќи дека е важно случајот темелно да се истражи и виновниците да понесат одговорност.

На мрежата „Икс“, таа ја сподели објавата на министерот за надворешни работи и надворешна трговија Тимчо Муцунски, во која тој го осудува инцидентот.

„Ви благодарам, министре. Брзите и решителни акции на македонските власти за истрага и повикување на одговорност на одговорните за овој гнасен антисемитски чин се од суштинско значење за спречување на потенцијални идни инциденти“, напиша Аисен на „Икс“.

Thank you, Minister. The swift and decisive actions of the Macedonian authorities to investigate and hold accountable those responsible for this despicable antisemitic act are essential to preventing potential future incidents. https://t.co/WSwTrDr9IU

— Vivian Aisen 🇮🇱 (@VivianAisen) April 13, 2026

Претходно, министерот Муцунски го осуди овој чин, порачувајќи дека „нашето општество цврсто стои на ставовите за толеранција и мултиетнички соживот“.

ВИДЕО | Израелската амбасадорка објави како луѓе рипаат во дворот на синагогата, истураат течност и фрлаат запален факел