Амбасадорката на Израел во Македонија, Вивијан Ајзен, објави видеоснимка од обидот да се запали синагогата во Скопје.

На снимката се гледаат двајца луѓе како ја прескокнуваат оградата и се доближуваат до влезот на објектот. Потоа, тие прскаат со запалива течност, по што фрлаат факел и предизвикуваат пожар.

„Длабоко вознемирувачки антисемитски инцидент во Северна Македонија, прв од 1945 година, ги погодува самите вредности на соживот што ги почитува еврејската заедница. Јас сум на страната на заедницата и ги повикувам македонските власти да ги изведат одговорните пред лицето на правдата“, наведе амбасадорката Ајзен, објавувајќи го и видеото на платформата Х.

pic.twitter.com/4vwrEx0f7k

— Vivian Aisen 🇮🇱 (@VivianAisen) April 12, 2026

Од СВР Скопје велат дека во дворот на верскиот објект биле забележани канистер за гориво и траги од горење.

„Веднаш по добиената пријава полициски службеници излегоа на местото на настанот и се преземаат мерки за расчистување на случајот“, дополнија од МВР.

Пронајдени се канистер и траги од горење, велат од МВР по обидот да се запали објектот на Еврејската заедница

Еврејската заедница во Македонија го осуди овој чин и апелираше до надлежните органи за целосно расветлување на случајот и доследна примена на законите, како и за гласна и обединета осуда од сите верски лидери, институции и граѓани.

„Ова не чин не е само напад врз еден верски објект, туку длабоко вознемирувачки удар вз темелните вредности на цивилизираното опоштество – соживотот, достоинството и заемната почит“, стоеше во соопштението до медиумите потпишано од претседателот на Еврејската заедница во Македонија, Пепо Леви.

Еврејска заедница во Македонија: Имаше обид да се запали нашиот објект, бараме да се расветли случајот