Американскиот амбасадор во Израел Мајк Хакаби изјави дека одлуката на Израел да им забрани на високи католички функционери да присуствуваат на службите во Црквата на светиот гроб на Цветници е „тешка за разбирање и оправданост“.

Забраната за влез на патријархот во црквата на Цветници за приватна церемонија е тешко да се разбере и оправда. Израел објави дека ќе соработува со патријархот за да најде безбеден начин за одржување на церемонијата за време на Страсната седмица“, рече Хакаби.

Хакаби, како што пренесува „Индекс.хр.“ ја коментираше одлуката на израелската полиција, наведувајќи дека „забраната за влез на латинскиот патријарх кардинал Пјербатиста Пицабала и уште тројца свештеници да дадат благослов во црквата на Цветници е претеран потег што веќе има големи последици низ целиот свет“.

Упатствата на Командата за внатрешна безбедност ги ограничуваат собирите на максимум 50 лица. Четворицата претставници на Католичката црква беа далеку под таа граница. Израелските власти велат дека забраната за влез на кардиналот Пицабала е издадена од безбедносни причини, но црквите, синагогите и џамиите низ Ерусалим се придржуваат до правилото за максимум 50 лица, додаде тој.