Жител на скопското село Бојане е осомничен дека се претставувал како вработен во суд и на семејство, чијшто син бил во притвор, ветувал дека може да влијае врз постапката и да го „ослободи“ притвореникот.

Според истрагата, во мај 2025 година 41-годишниот Н.З. излажал родител на притвореникот кој поверувал во неговата приказна и во три одвоени наврати му исплатил вкупно 7.750 евра.

Сепак, ветената „услуга“ не била исполнета, по што измамата била пријавена во полиција.

Полицијата го документирала случајот и против Н.З. е поднесена кривична пријава.