Биеналната изложба на фотографија „Фотомедија 2020“ во своето 17-то издание донесе повеќе од 650 фотографии на автори од целиот свет. Дваесетина од нив се закитија со награди, а тука издвојуваме три од наградените автори.

Најдобар автор и добитник на Златен медал од ФИАП за колекција е Антон Тратник од Словенија, авторот Ален Ликари од Франција ја доби наградата на Град Скопје и Златен медал за колекција од ФСМ, додека Естер Епштајн од Израел доби Златен медал од ФИАП во поединечната селекција.

Изложбата „Фотомедија 2020“ е поставена во „Мала станица“ при Националната галерија на РСМ, каде што се изложени сите наградени фотографии, беше отворена на 10 ноември и ќе може да се посети до 30 ноември. Организатор на изложбата е фотоклубот „Елема“.

(Текстот е објавен во „Културен печат“ број 56, во печатеното издание на „Слободен печат“ на 14-15 ноември 2020)