Изложба на Љубиша Камењаров – „Управило и наследството на Мурто“ – Слободен печат
ВестиКултура

Изложба на Љубиша Камењаров – „Управило и наследството на Мурто“

Денес во 20 часот на плоштадот во Автокоманда, во организација на КЦ 750 ќе биде претставена скулптуралната инсталација „Управило и наследството на Мурто“ на македонскиот уметник Љубиша Камењаров.

Скулптуралната инсталација „Управило и наследството на Мурто“ која е концепциски и ликовно поврзана со претходните дела „Рамнотежист“ и „Управило“, сега како продолжение прикажува како човечката фигура, со поедноставени, апстрахирани анатомски одлики, која во контекст на просторот и поставеноста, ја отсликува важноста, ја нагласува доминантноста и значењето на субјектот и темата.
Надоврзувајќи се на предходните размисли и нивната реализација преку ликовни средства, Камењаров повторно ја забележува и преиспитува состојбата и поставеноста кај единките и групите, поточно хиерархиската поставеност во нивните меѓусебни односи.
Како алегорија, се препознава старата народна мудрост која потсетува што е она што ги одредува правилата на игра (и играта воопшто!) и води, управува, влијае на поклониците.
Изложбата ќе може да се посети до 19-ти септември.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close