Излезе „Културен печат“ број 140 во весникот „Слободен печат“
КУЛТУРЕН ПЕЧАТ број 140, во печатеното издание на весникот „Слободен печат“ (6-7.08.2022), во својот стандарден формат на осум страници меѓу содржините од областа на уметноста и културните настани има:
– интервју со диригентот Сашо Татарчевски за Женскиот младински хор при МКЦ: Хорот е огледало на диригентот
– разговор со Жарко Иванов за „Флипбук филм фестивал“: Филмови што ги поместуваат границите на анимацијата
– хип-хоп претставата „Црнила Ремикс“ ќе биде изведена на „Нишвил“
– средба со Александар Бошков, добитник на наградата „Гоце Димитровски“ за најдобар млад џез-изведувач на „Џез фабрика фестивал“ во Битола
– „Културен печат“ присуствуваше на промоцијата на „Лексикон на странски сликари во Македонија во периодот помеѓу 1850-1950 година“ во Охрид
– Македонско културно лето во Пустец – Преспа како дестинација за културен туризам
– уметници и волонтери учествуваат во еколошкиот проект „Заедно дишеме“
– писателката Ена Катарина Халер од Хрватска престојува на книжевна резиденција во Скопје
– романот „Фантомско стапало“ од Блаже Миневски излезе на руски јазик во Москва
– Скопскиот поетски фестивал ќе реализира поетско читање на млади, надежни, познати или помалку познати поети и поетеси од домашната книжевна сцена
– манифестацијата „100.000 поети за промена“ објави конкурси за поезија и дизајн на постер за своето 12. издание.