Избран новиот претседател на Јувентус по оставката на Ањели
Управата на најуспешниот италијански фудбалски клуб Јувентус од Торино синоќа поднесе оставка на ненадеен потег, меѓу кои и претседателот Андреа Ањели.
На овој начин раководството одговорило на финансиските проблеми на клубот, вклучително и истрагата на државното обвинителство за можни сметководствени пропусти, беше соопштено по вонредната седница на Управата. Оставка поднесе и поранешната ѕвезда и потпретседател на Јувентус, Павел Недвед. Маурицио Сканавино привремено остана во клубот, до назначувањето на новото раководство.
Италијанскиот ревизор Џанлука Фереро од денеска е прв човек на клубот, кој беше назначен на функцијата претседател на местото на Ањели. Ова денеска го соопшти „Ексор“, компанијата на семејството Ањели, која го контролира Јувентус.
– Фереро има солидно искуство и потребно техничко знаење, како и вистинска страст кон Јувентус, што го прави најсоодветна личност за оваа позиција – соопштија од Ексор.
Комплетната листа на кандидати за новата Управа ќе се објави до средината на декември. Јувентус неодамна наиде на проблеми не само на спортски план, туку особено на финансиски план. Во септември клубот забележа рекордна загуба од претходната сезона во износ од 254,4 милиони евра.
Потоа интервенираше италијанското берзанско тело Консоб, а државното обвинителство го истражува клубот и за сметководствена измама во 2018, 2019 и 2020 година и неправилности во трансферите на играчи и позајмици. Се зборува дека е 115 милиони евра.
EXOR has officially confirmed the appointment of Gianluca Ferrero as Juventus FC’s new president. pic.twitter.com/yCWp600GyU
— 𝔸⁷ 🇵🇹🇷🇸 (@10x2I) November 29, 2022
Обвинителите во Торино ја истражуваат можноста Јувентус, кој котира на италијанската берза, дал лажни сметководствени информации на инвеститорите и да издавал фактури за непостоечки трансакции во тој период. Низа трансфери во кои се вклучени Јувентус и други италијански клубови е исто така предмет на паралелна истрага што ја започна Италијанската фудбалска конфедерација (ФИГЦ) во октомври.
Она што ќе го пронајдат обвинителите потоа ќе биде предадено на италијанската федерација, која има моќ да ги казнува клубовите со низа казни, од казни до исклучување од лигата. Клубот од Торино објави дека ќе продолжи да соработува со надзорните и надлежните органи.
