Италијанскиот министер за одбрана Гвидо Кросето денес изјави дека постои можност за воведување на доброволна воена служба во Италија.

Тој рече дека има намера да поднесе соодветен закон до владата на дискусија, а потоа и до парламентот, пренесува италијанската новинска агенција АНСА.

„Доколку парламентот донесе таква одлука, тогаш да. Планирам прво да презентирам верзија од законот за дискусија до Советот на министри, а потоа и до парламентот… што ќе ја обезбеди одбранбената способност на земјата во наредните години и ќе се однесува не само на бројот на војници, туку и на нивната организација и прописи“, изјави Кросето за телевизијата РАИ3, одговарајќи на новинарско прашање за можноста за воведување на воена служба во земјата, по примерот на Франција и Германија.

Макрон најави доброволна воена служба во Франција