Истрели од белоруска страна на границата со Полска

Гранична полиција
Гранична полиција/ Фото: PETRAS MALUKAS / AFP / Profimedia

Според изјави на полските граничари, истрели се слушаат од белоруската страна на границата со Полска втор ден по ред, јави ДПА.

Пукотниците се слушнале во текот на ноќта од петок кон сабота, објавија денеска граничарите на Твитер.

Еден ден претходно, граничар пријави дека белоруска патрола во четвртокот пукала кон полските војници. Портпаролката на граничната стража рече дека најверојатно не била користена боева муниција.

Поради зголемениот прилив на мигранти на границата со Белорусија, армијата на Полска во моментов ја поддржува граничната стража во обезбедувањето на границата.

Според полската граничарска служба, имало 553 обиди на мигранти илегално да ја преминат границата само во петокот. Приведени се осум лица.

Владата во Варшава го обвинува белорускиот претседател Александар Лукашенко дека им помага на бегалците од конфликтните зони да стигнат до надворешната граница на ЕУ за да се создаде криза.

Властите во Белорусија, пак, го обвинуваат Западот дека создал хаос во овие конфликтни региони, поради што луѓето сега бараат подобар живот.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот