Многумина уживаат во различни алкохолни пијалаци, но мажите можеби ќе почнат исклучиво да консумираат вино, откако истражувањата покажаа дека црвеното вино им помага да бидат подобри во сексуалните односи, пишува „Дејли стар“.

Истражувачите ги разгледаа истражувањата од изминатите 30 години и потврдија дека консумирањето умерено количество црвено вино може на мажите да им помогне да ја зголемат нивната желба за секс, како и нивната техника.

Според студијата што е објавена во „Journal of Clinical Medicine“, црвеното вино може да помогне кај здравствените проблеми, како што се еректилната дисфункција и да го зголеми тестостеронот кај мажите.

Исто така, со истражувањето се открило дека, виното добро влијае и кај жените и може да им помогне да ја зајакнат нивната сексуална желба.

Полифенолите се силни антиоксиданси кои делуваат на подобра функција на внатрешната обвивка на срцето и крвните садови. Ова го подобрува протокот на крв и во други делови од телото, како што се половите органи.

Луѓето кои уживаат во други видови на алкохол, како што е белото вино или пиво, се вели дека имаат помала веројатност да имаат корист за нивното сексуално задоволство.

Во секој случај, истражувачите, велат дека тајната на добрите резултати е умереното консумирање на пијалакот. Пиењето премногу алкохол може да му наштети на вашиот сексуален живот и целокупното здравје.