Непознат сторител ноќеска ја искршил шофершајбната на автомобилот во сопственост на пратеникот од ПЦЕР Самка Ибраимоски. Автомобилот бил паркиран пред домот на Ибраимоски.

– Синоќа го паркирав автомобилот, вообичаено. И утринава, еден од соседите ме разбуди во 7 сабајле да ми каже дека шофершајбната ми е искршена. Сторителот е непознат, а пријавив и во полиција. Синоќа имаше настан на ВМРО ДПМНЕ во Тетово, така што, јас имам напред ставено визит карта и знаеле дека автомобилот е мој. Чисто да направат штета, изјави Ибраимоски за „Слободен печат“.

Тој додаде дека не е првпат да му се случуваат вакви инциденти.

– Пред шест месеци ми ги дупнаа двете гуми исто пред зграда, кгоа беше денот на македонскиот јазик и ми оставија порака ,,Циган еден, ти ли ќе ја продаваш Македонија?, посочи Ибраимоски.