Интимна прослава: Се омажи Аријана Гранде
„Венчавката беше мала и интимна, имаше помалку од 20 луѓе. Двојката и нивните семејства не можеа да бидат посреќни“, изјавил за „People“ портпаролот на Аријана.
Пејачката Аријана Гранде се омажи за агентот за недвижнини, Далтон Гомез.
Минатата година Аријана го претстави своето ново момче Далтон Гомез во видеозаписот со Џастин Бибер за нивната дуетска песна „Stuck with U“, која ја снимија во карантин и неодамна ја објавија.
Видеото е особено интересно затоа што осум од бројните јавни личности вклучија свои обожаватели, а заработката од него е наменета за финансиска помош на децата на кои им е потребна.
Специјално изненадување се случи на крајот од видеото кога Аријана реши официјално да го претстави своето ново момче Далтон Гомез.
Покрај тоа, на видеото за дуетот на Аријана и Џастин се појавуваат и сопругата на Џастин, Хејли, потоа Кендал и Кајли Џенер, Деми Ловато со своето момче, Гвинет Палтроу, Лил Дики, Џејден Смит, Мајкл Бубле, Ештон Кучер и Мила Кунис.