Им го расипавме „филмот“ на СДСМ и ДУИ, уверен е Арјанит Хоџа
Генералниот секретар на Беса, Арјанит Хоџа, вечерва гостуваше на ТВ21, каде изјави дека неговата партија им ги „расипала сите математики“ на СДСМ и ДУИ.
„Мене ми е добро што им го расипавме филмот на коалиционите партнери. Сега се враќам во ретроспектива што всушност се случи. Една поговорна вели „што има во домот, кажуваат децата“. Во вашите дебатни емисии, тука кај Вас, Мендух Тачи истакна дека коалиционите партнери ја гледаат Беса во иднината. Се сеќавате кога тој кажуваше дека Беса ќе излезе од Влада, нема да победи во Тетово и дека Алтернатива ќе не замени? Ова се зборови на Мендух Тачи“, посочи Хоџа.
Тој додава дека многу му е драго што „им го расипале филмот“ на Мендух Тачи, Али Ахмети и Зоран Заев.
„Ова бидејќи филмот не беше нешто ново, надвор од сценариото што им се случи на Алијанса за Албанците во 2017-та“, рече Хоџа.
На прашањето дали Артан Груби бил тој што „ја избркал“ Беса од Владата, Хоџа одговори дека Груби немал таква сила.
„Артан Груби нема сила да нѐ избрка од Влада. Движењето Беса им ги расипа сите математики и на Артан Груби, и на ДУИ, и на СДСМ“, рече Хоџа.