Иднината на Меси е во ПСЖ
Легендарниот фудбалер на Барселона од 1990-тите години, Ривалдо е убеден дека Лионел Меси го одигра својот последен натпревар на „Камп Ноу“ како играч на каталонскиот тим во Лигата на шампионите.
Барселона се наоѓа пред елиминација во ЛШ откако во првиот осминафинален натпревар на „Камп Ноу“ загуби со 1:4 од ПСЖ.
Договорот на Меси истекува на крајот од сезоната и доколку за помалку од три недели не се случи чудо, можно е Аргентинецот повеќе да не игра во Лигата на шампионите како член на Барселона. Клупската легенда Ривалдо, смета дека дека Меси сигурно на лето ќе си замине од Барселона.
– Лионел Меси го одигра последниот наптревар за Барселона на „Камп Ноу“ во Лигата на шампионите. На лето ќе се пресели во Франција, неговата иднина е во ПСЖ кој ќе му овозможи и понатаму да освојува трофеи – вели Ривалдо.
Бразилецот вели дека сака и во иднина да го гледа Меси во дресот на Барселона, но во исто време ја разбира желбата на Аргентинецот да си замине во моментите кога клубот не е конкурент за трофеите.
– Барселона во овие моменти не може да би даде надеж на Меси да се бори за најголемите трофеи – смета Ривалдо.