Во малата сала на НУ Филхармонија во Скопје на 16 октомври, со почеток во 19.30 часот, ќе се одржи хуманитарниот концерт со наслов „Розов октомври“.

Концертот е посветен за подигање на свеста за ракот на дојка и средствата од купените билети ќе бидат донирани директно до Здружението „Љубов сме – Jemi Dashuri“, за помош на жените кои се борат со оваа болест.

На концертот ќе бидат изведени дела од Лимос Диздари, Ѓон Симони, како и Клавирскиот концерт бр.1 во е-мол од полскиот композитор, познат како поетот на пијаното, Фредерик Шопен.

Делата ќе ги изведе камерен ансамбл во состав: Нита Груби – пијано, Блерта Ристани – виолина, Ера Цанај – виолина, Албана Кола – виола, Јона Бодинаку – чело и Александра Чуруковска – контрабас.

Концертот е поддржан од Министерството за култура и „Јуроп хаус Скопје“.

Билетот за концертот чини симболични 200 денари.