Заменик министерот за правда Агим Нухиу, во објава на Фејсбук се оградува од списокот за помилувања на осуденици потпишан од министерот Бојан Маричиќ, а кој треба да биде испратен кај претседателот Стево Пендаровски.

– Предлозите на Управите на затворите за помилување на одредени затвореници кои со своите криминализирани дела ги вознемируваа граѓаните и ги разнишаа темелите на државата, никогаш нема да ја добијат мојата поддршка и не треба да имаат поддршка ниту од ресорот за правда, напиша Нухиу.

Во своето денешно гостување во емисијата „Утрински брифинг“, Бојан Маричиќ изјави дека „министерот за правда не дава никакви помилувања“.

– Ова се специфични помилувања по повод Нова година и листите за делумно скратување на казната ја прават директорите на затворот и се проследува на разгледување. Мислам дека дел од спорните имиња нема ни да се најдат на листите. Значи, предлог-листите се од затворите, а не од Министерството за правда. Тие листи поминуваат низ четири филтри, објасни тој.

Маричиќ за УБ: Ниедно спорно име нема да се најде на листите за помилување