Читател на хрватскиот портал „Телеграм“ испратил информација дека дел од учениците во Првата гимназија во Осиек се наградени со петки по предметот Музичко образование, откако биле на концертите на контроверзниот музичар Марко Перковиќ Томпсон, иконата на хрватските екстремни десничари и поддржувач на усташите и злосторничката Независна држава Хрватска (НДХ) од времето на Втората светска војна.

Директорот на гимназијата потврдил за „Телеграм“ дека Педагошката служба ги проверила оценките и белешките на сите наставници и дека на 28 декември, оценката „одличен (5)“ била внесена во дневникот за некои ученици со забелешка: „концертно искуство“.

Порталот побарал одговори и од професорите по предметот во гимназијата, но тие не биле достапни поради распустот. Објаснување и разјаснување за случајот е најавено по неколку недели, кога ќе продолжи учебната година.

„Бидејќи таа недела немаше други значајни музички настани, освен концертите на Томпсон, ќе биде интересно да се слушнат објаснувањата на професорката по музичко образование за критериумите за оценувањето“, пишува „Телеграм“.

Австријците кои присуствуваа на концертот на Томпсон во Загреб почнаа да добиваат казни