Хрватска го направи првиот чекор за изградба на нуклеарна електрана
Нацрт-предлог законот за примена на нуклеарната енергија за цивилни цели е пуштен во јавна расправа во Хрватска.
Препорачано
Овој предлог, изработен од работна група експерти од оваа област, претставува прв посериозен правен чекор во долготрајниот процес на изградба на првата нуклеарна електрана на хрватска територија, објави хрватски „Јутарњи“.
Хрватскиот министер за економија Анте Шушњар во изминатите месеци честопати настапува во јавноста со идејата Хрватска да изгради сопствена нуклеарна електрана. Според него, новите геополитички околности и трендовите на напуштање на фосилните горива ја зголемуваат потребата за огромни количини електрична енергија.
Шушњар смета дека нуклеарната енергија на државата би му донела стабилност на електроенергетскиот систем и би придонело за намалување на емисиите на штетни гасови.
Хрватска може да изгради сопствена нуклеарна централа, да се потпре на низа мали нуклеарни реактори или, пак, заедно со Словенија да го гради вториот блок на нуклеарната централа во Кршко.
Во план е до 2040 година една третина од електричната енергија во Хрватска да доаѓа од нуклеарни извори.
Како потенцијални локации најчесто се споменуваат две места кои и порано биле разгледувани, Танја кај Ердут и Превлака кај Иваниќ-Град.
Знаете ли колку нуклеарни централи беа планирани да се изградат во 80-тите во Хрватска и Словенија?
