Челси вечерва заедно со Њукасл беа најефикасни во Лига купот за пласман во наредната фаза. Лондонските „сини“ на „Стемфорд бриџ“ со 6:0 го декласираа составот на Барнсли.

Во редовите на менаџерот Френк Лампард се прослави новото засилување Каи Хаверц кој запиша хет-трик.

Германскиот интернационалец своите три гола ги запиша во 28, 55 и 65 минута од средбата, а по еднаш во листата на стрелците се најдоа уште Абрахам, Баркли и Жиру.

Њукасл како гостин дури седумпати ја затресе мрежата на Морекомб (0:7), а Евертон ја оправда фаворитската улога кај Флитвуд (2:5).

Арсенал благодарение на автоголот на Фукс и голот на Нкетиа триумфираше над Лестер (0:2) на „Кинг пауер“ стадионот.

Во останатите дуели: Фулам-Шефилд веднздеј 2:0, Милвол-Барнли 0:2, Престон-Брајтон 0:2 и Стоук-Гилингам 1:0.